Shifra:“Drita”
Jam një vajzë me të kaluar të mirë, familje të mirë, e edukuar, e arsimuar. Problemi im është martesa. Kam shumë raste dhe në momentet më të mira kur mendoj se ka ardhur fundi, asgjë nuk ndodh, shkatërrohet çdo gjë. Të dy rastet e fundit që i kam pasur kur e kemi lënë të takohemi, të dyjave u ka ndodhur aksident trafiku. Çka mendon për këtë?

Përgjigje:
Unë besoj se aksidentet në rastin tënd janë një koincidencë dhe duhet t’i harrosh sa më parë. Raste të tilla ka shumë në historinë njerëzore, siç ishte rasti i një gruaje që ka shpëtuar në tre aksidente detare, një me vaporin “Titanik”, tjetri me vaporin “Lizutanija” dhe i treti me barkë. Dhe, në të tre rastet ka shpëtuar.

Mos u kompleksoni, sepse shoh se këto raste ishin më shumë rastësi sesa që të lidhin ty me diçka të keqe, dramatike. Ec para dhe gjeje fatin tutje! Mirë është që ke familje të mirë dhe të gjitha virtytet janë në rregull, por ta gjeni personin me të cilin përshtateni është gjëja më e rëndësishme dhe të mos jetoni duke vuajtur nga fama.