Reperi i njohur Gjiko dhe moderatorja e famshme Elita Rudi prej disa muajsh tashmë janë prindër të një vogëlushi simpatik të cilit i vendosën emrin e veçantë, Zëri.

Çifti i famshëm janë shumë aktivë në rrjete sociale, po për disa muaj shtatzënia e Elitës u mbajt larg vëmendjes së publikut. Edhe pas ardhjes në jetë të Zërit, prindërit mbajtën larg syve të publikut vogëlushin.

Mirëpo pas një kohe të shkurtër ata kanë publikuar vazhdimisht foto dhe video të Zërit i cili që tani ka fituar zemrat e ndjekësve.

Për herë të parë Gjiko ka folur së fundmi për djalin e tij dhe martesën me Elitën në një intervistë në emisionin “Nd’rrimi i Natës” në Klan Kosova me Alaudin Hamiti. Ai u bë pjesë e lojës “Haje ose thuaje” dhe një nga pyetjet që moderator i bëri, ishte: Para Elitës, cila ishte e dashura e Gjikos?

Ndoshta do t’ju duket gënjeshtër, por Gjiko u shpreh se Elita është e dashura e tij e parë, por nuk është se s’ka patur eksperienca me femra të tjera.

I pyetur nga moderatori se për çfarë zihen më shumë, Gjiko është shprehur: “Ja për kështu, cfarë do flas nëpër intervista”.