Këngëtarja me famë botërore Rihanna njihet edhe si një ndër artistet më të pasura në botë.
Përveç muzikës Rihana drejton edhe brendin e saj të kozmetikës “Fenty”, e cila ka arritur mjaft sukses.
Rihanna është duke lëshuar me qera shtëpinë e saj në Hollywood me një çmim prej 28 mijë funte për muaj.
Objekti përmban një pishinë pranë shtëpisë, dhomë kinemaje, si dhe e gjitha me një dekor mjaft elegant.
Qiramarrësi i ri i shtëpisë mund të gëzojë gjashtë dhoma gjumi dhe të paktën tetë banjo.
Por, në qoftë se nuk ka hapësirë të mjaftueshme për mysafirët në shtëpinë kryesore trekatëshe, ka edhe një bujtinë të veçantë ngjitur me një garazh.
Ka edhe dhoma të shumta gjumi dhe dhoma për argëtim, ndërsa është e vendosur dhe një piano e madhe.
Këngëtarja e hitit “Umbrella” bleu pronën në korrik të vitit 2017 për 5.5 milionë funte, përpara se ta vendoste për shitje dhjetorin e kaluar për 6 milionë.
Vendimi i këngëtares për t’a dhënë me qera vjen pasi ajo zbuloi se do jetonte në Londër.
Artistja e cila është me origjinë nga Barbados – u zhvendos në Londër për t’u afruar me ekipin e produkteve të saj të bukurisë “Fenty”, pasi krijimet e saj janë projektuar në Paris dhe prodhohen në Itali.