Përbërësit:
2 lugë gjelle me kripë
3 tufa mesatare me majdanoz
2-3 gjethe selino
2 hudhra të qëruara
disa gjethe rrushi
2 kg patëllxhanë
4 gota uji me uthull
5 speca jeshil

Përgatitja:
Zgjidhen patëllxhanë ngjyrë vjollcë dhe të butë, pastrohen nga bishti në formë konike, u bëhet në mes një prerje për së gjati dhe vihen në ujë me kripë për 25-30 minuta,që tu dalë hidhërimi.
Pastaj zihen në ujë të valuar me kripë për pesë minuta,duke u kujdesur që të mos zbuten shumë. Kullohen, vendosen në tave duke u vënë një pjesë peshe sipër që të kullojnë.
Merren speca të llojit me tul, grihen në rripa të hollë, përzihen me majdanoz, selino, hudhra të grira e kripë, spec djegës dhe mbushen patëllxhanët.
Pas mbushjes shtrydhen që tu dalë uji që kanë. Në një enë shtrohen me rradhë dhe bëhet ndarja e shtresave me gjethe rrushi. Kështu veprohet sa të mbarohen të tërë patëllxhanet.
Sipër enës vihet një kapak i sheshtë, mbi të një gur. Shtohet uthull, mbulohet me napë dhe lihet në vend të freskët që të fermetohet. Patëllxhanëve, sipas dëshirës, mund edhe të mos u hidhet uthull, lihen vetëm me lëngun e tyre.
Nëse do ti ruajmë turshitë për një kohë të gjatë patëllxhaneve pasi rreshtohen u hidhet sipër shëllirë e përgatitur me uthull