Dje janë bërë dy vite pa ish kryeministrin e parë të Republikës së Kosovës Bajram Rexhepin.

Në këtë përvjetor atë e kanë kujtuar personalitete të njohura të vendit, duke vlerësuar kontributin e tij për vite, shkruan “Kosovarja”.

Me fjalë prekëse e kujtoi edhe vajza e tij e vetme Vanesa:“Je i vetmi shembull e un po ndjek pas qka ke lone, e vetem keshtu po te ndjej teper afer.”, ka shkruar ajo për babain e ndjerë.

E dikush ka gjetur një mënyrë tjetër për ta kujtuar ish kryeministrin e vendit.

Është deputetja nga radhët e PDK-së Blerta Deliu e cila në këtë ditë gjeti kohë të jetë pranë të bijës së të ndjerit për ta ngushëlluar e kujtuar kontributin e babait.

“Me Vanesën, vajzën shembullore të ish kryeministrit Bajram Rexhepi. Kujtimi për doktorin e luftës do të jetojë gjatë mes nesh. Mirënjohës për kontributin e jashtëzakonshëm që ish kryeministri Rexhepi dha për shtetin e Kosovës…”, ka shkruar Deliu-Kodra në facebook, teksa shihen bashkë me Vanesën në kafe./Kosovarja/