Gjatë ditës së djeshme në medie kanë qarkulluar disa imazhe ku shihej Kejvina Kthella bashkë me futbollistin e Kombëtares, Bekim Balaj.

Në fotografitë e publikuara nga “InTv”, Kejvina dhe futbollisti ishin në një nga klubet e Tiranës, shkruan lajmi.net.

Ata shihen afër njëri-tjetrit, ndërsa kjo afërsi e tyre bëri të aludohet në një lidhje të mundshme mes dyshes.

Por, ishte Kejvina ajo e cila ka reaguar duke mohuar lidhjen me Balajn, por pohoi se është në lidhje me një person tjetër që nuk është fytyrë publike.

E kontaktuar nga “Iconstyle”, ajo tha “Nuk është e vërtetë që ne jemi të lidhur. Madje ne nuk kemi qenë aspak në tavolinë bashkë, ai ka qenë vetëm një moment që ai është afruar të më thotë diçka”.