Personi që mbrëmë u gjet i djegur në veturë në Prekaz të Skënderajt dyshohet se është vrarë dhe më pas është djegur.
Dyshohet se trupi i pajetë është i I. Z. rreth 48 vjeçar, ndërsa vetura e djegur me targa vendore ishte në pronësi të tij.
Rastin e ka konfirmuar zëdhënësi i Policisë për rajonin e Mitrovicës, Avni Zahitit.
“Nga këqyrja e vendit të ngjarjes dhe hetimet fillestare të bëra nga hetuesit e Krimeve të Rënda në vendin e ngjarjes janë gjetur pesë gëzhoja të armës.
Sipas prokurorit të rastit hetimet janë duke u zhvilluar mbi dyshime për vepër penale ‘ vrasje e rëndë’”.
Ngjarja e rëndë ka ndodhur mbrëmë rreth orës 19:00.
Pasi vetura ka marrë flakë, policia me urgjencë ka dalë në vendin e ngjarjes dhe kishin gjetur trupin e pajetë brenda. /KlanKosova