Shqiptarët ja kanë dalë të korrin sukses kudo në botë.
I tillë është edhe rasti i disa shqiptarëve, që kanë hapur një restorant në Helsinki.
Emri i restorantit është “Presto Trattoria”. Nëse i flisni shqip personelit të këtij restoranti, do të paguani vetëm gjysmën e faturës.
Kjo gjë është bërë në shenjë respekti të gjuhës shqipe dhe shqiptarëve.
Restoranti në fjalë është në pronësi të pesë shqiptarëve të Kosovës, të cilët jo vetëm nuk e kanë harruar se nga janë, por po e nderojnë gjuhën shqipe.
Ata promovojnë kulturën dhe krenarinë shqiptare në Finlandën e largët.
“Ushqimi tradicional shqiptar pëlqehet shumë nga finlandezët”, shprehen ata. /Kosovarja/