Ashtu siç i ka hije një mbrëmjeje, “post-Krishtlindje”, edhe Soiree e sotme me Jonida Shehun ishte e gjitha dedikuar atmosferës festive dhe dhuratave.

Të ftuarit e mbrëmjes si Juliana Pasha, Jonida Maliqi, Eraldo Rexho apo Anxhela Peristeri kanë treguar ndjesitë e tyre për festat, nostalgjinë, atmosferën festive dhe sigurisht, dhuratat.

Teksa po flisnin për dhuratat e “padëshiruara”, Anxhela Peristeri ka treguar një episode mjaft të çuditshëm.

“Ka qenë një histori e gjatë… një grua që donte të më linte një pasuri dhe nuk e pranova”, – ka thënë këngëtarja. “Sepse mendoj që asnjeri nuk të jep diçka kaq të madhe pa e njohur dhe pa pasur diçka. Gjithçka ka një prapaskenë. Dhuratat nuk duhen pranuar nëse nuk vijnë nga njerëz të afërt”.