Kur shkrihet çokollata bëhet delikate dhe për këtë arsye duhet pasur shumë kujdes. Nuk duhet përdorur zjarr i fortë dhe duhet shmangur përzierja e shpeshtë.

Gjalpë, pana e pije mund të shkrihen së bashku me çokollatën.

Gjatë shkrirjes çokollata nuk duhet të jetë në kontakt me ujin sepse kjo e forcon menjëherë.

Shkrirja në tenxhere
Çokollata duhet copëtuar në pjesë të vogla dhe vendosur në një enë që qëndron brenda një tenxhereje të mbushur me ujë në 1/3, pa prekur ujin. Ngrohim ujin në zjarr të ngadaltë derisa ai të fillojë të ziejë. Mos e përzieni çokollatën derisa ajo të ziejë plotësisht. Vetëm pasi ka shkrirë e përziejmë për ta bërë homogjene. E heqim nga zjarri dhe e përdorim menjëherë.

Shkrirja në mikrovalë
Është metodë e thjeshtë por duhet të kemi parasysh masat. Vendosim 100g çokollatë të copëtuar në një enë rezistente dhe e fusim në mikrovalë me 600w për 1 minutë, e përziejmë dhe nëse nuk është shkrirë e vendosim në mikrovalë edhe për 30 minuta të tjera, e përziejmë sërish dhe nëse duhet e lëmë edhe për 30 minuta të tjera.

LLOJET E ÇOKOLLATËS

Çokollata e bardhë
Nuk ka në përmbajtje pastë kakaoje, përbëhet nga gjalpi i kakaos (përftuar nga përpunimi i farave të kakaos), qumësht, sheqer dhe aroma. Çokollata e bardhë me shije vaniljeje është një varietet shumë i shijshëm dhe i përdorshëm.

Çokollatë fondente
Është lloji i çokollatës më të përdorur në kuzhinë. Përmban mbi 70 % pastë kakaoje dhe ka shije të fortë e intensive për shkak të sasisë së vogël të sheqerit. Për recetat më poshtë do të këshillonim çokollatën 50–60% sepse ka shije pa qenë shumë e fortë, është e shijshme dhe shkrihet lehtë duke përftuar sërish shkëlqim.

Çokollatë me qumësht
Është dukshëm më e ëmbël, me 20- 30% pastë kakaoje por edhe në sajë të qumështit, sheqerit dhe aromave të shtuara.

Kakao pluhur
Ka shije të fortë e të hidhur. Përdoret për të forcuar shijen e çokollatës dhe duhet gatuar gjithmonë.