Unioni i bizneseve shqiptaro-gjermane, distancohet nga kjo thënje e cila këtyre ditëve është lansuar në shumë media dhe portale që “ DIASPORA NUK INVESTON,KOSOVA KËRKON HARAQ“

Kosova, përkundër disa vështitësive që mund t’i ketë është një zonë me shumë favore për investitorët e jashtëm e sidomos për investitorët nga Diaspora.

Diaspora deri mė tani e ka dëshmuar gadishmërinë për investime në Kosovë dhe një pjesë e madhe e bizneseve egzistente në Kosovë janë pikërisht biznese të krijuara me kapitalin nga diaspora.

Antarë të Unionit të bizneseve shqiptaro-gjermane, ndër vite, kanë investuar në Kosovë dhe gadishmëria për investime është në rritje e sipër.

Sot në Kosovë, antarët e Unionit të bizneseve shqiptaro-gjermane, janë pronarë të hidrocentraleve, pronarë të firmave të ndryshme prodhuese, aksioner të bankave, pronarë të plantazheve të pemëve, pronarë të objekteve të gastronomisë por edhe pronarë të firmave shërbyese të profileve të ndryshme.

Interesimi për investime edhe më të medha në Kosovë është arritur edhe falë gadishmërisë së Qeverisë së Republikës së Kosovës për ofrimin e 40 hektarëve me infrastrukturë të përfunduar për ndërtimin e parkut ekonomik të bizneseve nga Diaspora, projekt ky tani më i nënshkruar për implementim nga Ministria e Tregtisë dhe Industrisë, Ministria e Diasporës dhe Investimeve strategjike dhe Unionit të bizneseve shqiptaro-gjermane.

Në vargun e një vlerësimi pozitiv për investime në Kosovë dhe konform gadishmërisë së bizneseve nga Gjermania në radhë të pare, por edhe nga shtetet tjera ku jeton diaspora shqiptare, së shpejti do kemi edhe shoqërinë e parë aksionare të bizneseve nga Diaspora e cila me kapital të përbashkët do i qasen investimeve në industrinë ushqimore, në blegtori si dhe në turizmin malorë.

Janë këto vetëm disa nga faktet që hedhin poshtë pohimin e lansuar që “ Diaspora nuk investon ngase Kosova kërkon haraq“

Diaspora asnjëheë si deri më tani nuk ka qenë më e motivuar për të investuar në Kosovë.

Këtë e dëshmojnë projektet konkrete të realizuara dhe të inicuara deri më tani, por edhe pjesëmarrja aktive dhe numerikisht e madhe e bizneseve nga Diaspora në Konferencat ekonomoke, të cilat një nga prioritetet kanë investimet në vend. / Kosovarja /