Këto brusketa janë shumë të thjeshta në përgatitje dhe me një shije të veçantë.
Përbërësit e nevojshëm:
8 feta bukë gruri
100 gr domate qershi
200 gr kërpudha
gjysmë spec djegës i freskët
1 thelpi hudhër
vaj ulliri
majdanoz i grirë
kripë
Mënyra e përgatitjes:
Për përgatitjen e brusketave, si fillim pastroni kërpudhat mirë dhe prijini në feta shumë të holla.
Në një tigan hidhni vaj ulliri dhe më pas shtoni kërpudhat dhe i skuqni ato për rreth 5 minuta në zjarr të ulët.
Më pas i shtoni pak majdanoz të grirë dhe një pjesë lëreni mënjanë.
Ndërkohë, domatet qershizë i prisni në katërsh. Spërkateni me kripë dhe vaj ulliri dhe nëse dëshironi, hidhni dhe pak spec djegës. Lerini këta përbërës mënjanë, në mënyrë që të lëshojnë pjesën e tyre të lëngshme.
Prisni bukën në feta të holla rreth 1 cm dhe vendoseni në skarë ose në furrë me pak vaj ulliri. Buka nuk duhet të qëndrojë në skarë ose në furrë më shumë se 2 minuta. Ajo thjesht duhet të marrë ngjyrë nga të dyja anët, por jo të bëhet shumë e thatë.
Lyejini fetat e bukës me hudhra. Në këtë pike, bashkoni domatet me kërpudhat, tashmë të ngrohta dhe trazojini mirë.
Lyejini fetat me pak salcë domatesh dhe më pas mbushini ato me përzierjen e krijuar pak më parë me kërpudha dhe domate.