Greqia është lëkundur sërish nga tërmeti.

Kësaj radhe lëkundjet ishin në Selanik.

Sipas raportimeve tërmeti ka qenë 3.9 ballë i shkallës Rihter dhe ka rënë të hënën në mbrëmje.

Nga lëkundjet fatmirësisht nuk pati të lënduar dhe as dëme materiale, por krijoi panik tek qytetarët.

Profesor i sizmologjisë në Universitetin Aristotel të Selanikut, Kostas Papazachos shprehet: “Tërmeti ishte i vogël. Ishte nën 4 ballë të Shkallës Richter dhe nuk ka shqetësim. Çdo ditë ka tërmete të tilla. Ajo u ndje në Selanik sepse ishte afër saj. Fokusi është në Nigrita (Serres). Do të ndjekim fenomenin në orët e ardhshme”, u shpreh Papazachos, transmeton TCH.