Me pranverën vjen edhe nevoja për një laramani gjellërash, ku do të donim të përfshinim të gjitha perimet që sjell kjo stinë.
Gjella në vazhdim është e tillë.
150 gr mish i bluar
250 gr kërpudha
70 gr presh (purrinj)
700 ml supë gjedhi
100 gr karrota
70 gr selino
1 spec
1 qepë
3 lugë gjelle vaj ulliri
2 thelpinj hudhre
2 lugë domate të bluara në blender ose salcë e gatshme domatesh
kripë
piper i zi
magdanoz
Në vaj fërgojmë preshin e qepën e kur të zbuten pak shtojmë selinon e prerë në katrorka dhe karrotën. Kriposim e piperosim sipas dëshirës.
Më pas shtojmë edhe mishin e bluar, të cilin e fërgojmë për pak minuta duke e përzier vazhdimisht.
Shtojmë edhe specin e grirë imët, kërpudhat, hudhrën, salcën e domatesh dhe në fund supën e gjedhit.
Tavën e mbulojmë me kapak dhe gjellën e ziejmë për 25-30 minuta. Përpara servimit e spërkasim me magdanoz.