Dy të plagosur do dërgohen në Itali-Tërmeti pezullon uljen e helikopterit te Spitali i Traumës

Një helikopter i nisur nga Italia për të marrë dy të plagosur nga Spitali i Traumës në Tiranë nuk ka mundur të ulet në pistën e këtij spitali, për shkak të tërmetit të fuqishëm që ra rreth orës 16:00.

Mjeti fluturues është kthyer në Rinas dhe aty ka qëndruar në pritje të ambulancës me dy të plagosurit Marlind Shkodrani dhe Xhesika Biqiku, dy prej të plagosurve që ndodhen në gjendje më të rëndë.

Kush ishte e afërmja e Greg Ramës-Studentja 25 vjeçare vdiq nën rrënoja

Ata kanë marrë dëmtime në kokë dhe konsiderohen me rrezik për jetën, ndaj është vendosur dërgimi i tyre në Itali, gjë që e deklaroi edhe ministrja e Shëndetësisë Ogerta Manastirliu gjatë vizitës paraditen e sotme.

Aktualisht në spitalin e traumës ndodhen 62 pacientë me dëmtime, nga të cilët 8 në gjendje serioze shëndetësore.