Ajo është ndër gratë më të suksesshme në mbarë trojet shqiptare, e cila me punën e saj ka bërë që të jetë edhe më e dashur për publikun.

Fjala është për politikanen dhe diplomaten e njohur kosovare, Vlora Çitakun, e cila kudo ku ka përfaqësuar Kosovën është treguar e zonja.

Përveç punës, në të cilën çdoherë është treguar e zellshme, Vlora shquhet edhe për stilin unik. E veshur gjithnjë elegante, diplomatja Çitaku duket bukur në çdo paraqitje.

E tillë ajo ishte dukur edhe më parë, gjë e cila shihet nga disa imazhe të publikuara në internet, të cilat janë realizuar vite më parë. Vlora Citaku është e lindur në vitin 1980.

Ajo ka mbaruar MA në Medie dhe Gazetari dhe para se të angazhohej në politikë ka punuar si gazetare dhe përkthyese për disa medie perëndimore gjatë luftës në Kosovë në periudhën 1998 – 1999.

Çitaku është politikane dhe diplomate shqiptare në Republikën e Kosovës, aktualisht ambasadore e Republikës së Kosovës në Shtetet e Bashkuara. Paraprakisht ishte Konsull i Përgjithshëm i Republikës së Kosovës në New York.