Këngëtarja, aktorja dhe personalitet televiziv, Marie Osmond deklaron se nuk do t’u trashëgojë fëmijëve asnjë qindarkë nga pasuria e grumbulluar gjatë karrierës së saj të suksesshme.

Performuesja 60-vjeçare u shfaq në “The Talk” kohët e fundit, ku ajo shpjegoi se lënia e fëmijëve të saj një pasuri do të ishte një “shpërndarje e madhe” për ta, dhe se ata duhet të bëjnë paratë e tyre.

“Nuk do t’u lë asgjë fëmijëve. Urime kalamaj,” tha Osmond dhe shtoi, “Unë dhe bashkëshorti im mendojmë se u bën një dëm të madh fëmijëve kur u fal një pasuri sepse u merr nga duart dhuratën më të madhe që mund t’u japësh: aftësinë për të punuar.”

“Ndodh shpesh në familje të pasura. Fëmijët nuk dinë çfarë të bëjnë me jetët e tyre dhe thjesht futen në telashe. Do t’i lë fëmijët e mi të krenohen me çfarë arrijnë vetë në jetë dhe pasurinë do e jap për bamirësi.”

Bashkëprezantuesja e “The Talk,” Sheryl Underëood nuk ra dakord me Osmond, pasi sipas saj, ata që rriten të pasur kanë marrëdhënie më të shëndetshme me paranë.

“Kur lindesh në një familje të pasur, u mëson fëmijëve ta vlerësojnë paranë dhe ta kuptojnë rëndësinë. Kanë respekt për pasurinë,” tha ajo. “Do të doja që dikush të më kishte trashëguar mua njëfarë pasurie që të kisha një përparësi në jetë.”

Ajo tha se vendimi i saj kishte ardhur nga përvoja personale, duke thënë: “Unë kisha një xhaxha dhe një hallë, familja e saj luftoi mbi një pasqyrë dhe një tryezë kur ata vdiqën. Nëna ime tha:” Kjo nuk do të ndodhë kurrë. “

Kujtojmë që ajo është nënë e shtatë fëmijëve, Craig 36 vjeç, Jessca 32, Rachael 30, Brandon 23, brianna 22, Matthew, 21 dhe Abigail 17. Michael, djali më i vogël, u nda nga jeta në vitin 2010, në moshën 18-vjeçare./