Studentët e kolegjeve, të cilët bëjnë gjumë të rregullt, përkatësisht flenë 8 orë gjatë natës, sidomos në kohën e provimeve, kanë nota dukshëm më të larta në krahasim me ata, të cilët nuk bëjnë orë gjumi sa duhet, shkruan Dailymail.

Hulumtuesit kanë gjetur se gjumi jo krahas orëve të gjumit, që studentët bëjnë, një impakt në performancën e tyre e ka edhe koha kur ata bien të flenë.

Kështu, ata që flenë në orët e vona dhe prapë bëjnë 8 orë gjumë kanë rezultate të dobëta, sikurse ata që nuk bëjnë gjumë të rregullt.

Studimi i publikuar në revistën “Science of Learning” ka gjetur lidhshmërinë në mes të orëve të gjumit dhe performancës akademike.

Ekipi nga Instituti i Teknologjisë në Massachusetts, ka thënë se këto gjetje dëshmojnë edhe një herë rëndësinë që ka gjumi i rregullt në suksesin dhe performancën e njerëzve.