Personat e kthyer nga Siria në Kosovë tashmë janë duke qëndruar në Qendrën për mbajtjen e të huajve në Vranidoll.

Nga atje pamjet tregojnë familjarët e katër luftëtarëve të cilët mëngjesin e sotëm kanë arritur në Kosovë.

Në Qendrën e Mbajtjes së të huajve ishte për vizitë edhe drejtori i Policisë së Kosovës Rashit Qalaj, i cili për së afërmi pa gjendjen e personave të kthyer nga Siria.

Ndryshe, Ministri i Drejtësisë Abelard Tahiri dhe Drejtori i Policisë së Kosovës, Rashit Qalaj kanë mbajtur sot një konferencë për media ku kanë deklaruar se si institucione të Republikës së Kosovës do të përkujdesën për gjendjen shëndetësore të këtyre personave si dhe riintegrimin në shoqërinë tonë.