Sadiq Al-Ghariani, imam në shtetin e Libisë, ka dhënë një deklaratë që kohëve të fundit, po bënë bujë në medie.

Ghariani ka bërë thirrje që muslimanët të mos shkojnë në Haxh dhe Umre, rite fetare islame, për të dyten herë.

“Mos shkoni në haxh dhe umra për herë të dytë. Kush ka qenë një herë të mos e përsërisë më sepse me paratë që paguani, Saudia po vret muslimanë” – ka deklaruar imami nga Libia.

Kjo deklaratë ka ardhur si reagim ndaj ndërhyrjes së Saudisë në çështjet e brendshme të vendeve arabe ndër to edhe Libia. Sipas të dhënave, Saudia e ka mbështetur me mbi 20 miliardë $ gjeneralin e pensionuar Halife Hafter i cili po kryen një grusht shteti në Libi.