Fëmijët e komunitetit shqiptarë në Ukrainë po mësojnë të performojnë valle tradicionale shqiptare.

Nga Agjencia Kombëtare e Diasporës kanë shkruar se ky komunitet shqiptar në Ukrainë, po mëson vallet shqiptare për herë të parë pas 500 vitesh.

“Për herë të parë pas 500 vjetësh fëmijët e komunitetit shqiptar në Karakurt, Ukrainë mësojnë vallet tradicionale shqiptare nga valltarët e Ansamblit Kombëtar. Valltarët janë dërguar në Ukrainë, si pjesë e marrëveshjes midis Agjencisë Kombëtare të Diasporës dhe Teatrit Kombëtar të Operas dhe Baletit të Shqipërisë”, thuhet në njoftimin e AKD-së, përcjellë albinfo.

Së fundmi të rinjtë shqiptarë nga Ukraina kanë mbajtur edhe një ekskurision në Shqipëri.