A është e drejtë të qëndrosh i/e martuar për hir të fëmijëve edhe pse bashkëshorti dhe ju dukeni se nuk mund ta kuptoni më njëri-tjetrin?

Sidomos kur njëri prind mendon se është më mirë të divorcohet dhe tjetri thotë se divorci nuk është në interesin më të mirë të fëmijëve…Por, a është e gabuar të mendosh se divorci është zgjidhja më e mirë?

Vendimi për divorc, veçanërisht kur fëmijët janë të përfshirë, është një nga zgjedhjet më të vështira që një person mund të përballojë. Divorci nuk është aspak i lehtë. Shton stres në jetën e çdo bashkëshorti, familjeve të tyre, miqve dhe fëmijëve të tyre.

Për fat të keq, divorci tenton të sjellë më të keqen tek njerëzit. Ndjenjat e lëndimit dhe zemërimit shpesh kanë përparësi për të bërë atë që është vërtet më e mirë për fëmijët.

Pa shkuar tek vendimi final, ndarja, gjithnjë çiftet nxiten që të bëjnë gjithçka që munden për të përmirësuar situatën e tyre, të sfidojnë veten për të bërë diçka në “riparimin” e martesës së tyre, para se të shkohet tek divorci. Shkoni në këshillim. Lexoni libra.

Bisedoni me miqtë dhe të afërmit tuaj. Punoni fort. Kur një martesë e shëndetshme dhe prindërit punojnë së bashku drejt shëndetit afatgjatë dhe lumturisë së martesës dhe familjes, kjo është gjithmonë e shëndetshme për fëmijët.

Duke thënë këtë, nuk ka asnjë arsye për të besuar se qëndrimi i përbashkët me çdo kusht është më i mirë për fëmijët sesa divorci. Në të vërtetë, kur prindërit të cilët janë të pakënaqur së bashku dhe angazhohen në marrëdhënie jo të shëndosha vetëm “për fëmijët”, kjo shpesh mund të bëjë më shumë dëm sesa dobi.

Sjelljet që shfaqni në shtëpinë tuaj do të vendosin skenën se si fëmijët tuaj do të sillen si të rritur. Ata mësojnë se çfarë do të thotë të jesh i martuar, si të jesh burrë apo grua dhe si të përballesh në mënyrë efektive (ose joefektive) me konfliktin në një marrëdhënie.

Lajm i mirë është se kur çiftet vendosin të divorcohen dhe ata e trajtojnë këtë çështje si një zgjidhje të pjekur dhe bashkëpunuese, ka shumë arsye për të besuar se fëmijët mund të jenë më mirë në të ardhmen.

Me fjalë të tjera, nuk është domosdoshmërisht divorci që përcakton nëse fëmijët tuaj do të jenë në rregull apo jo, por më tepër se si çdo i rritur sillet gjatë dhe pas divorcit.

Mos harroni, divorci nuk është një ngjarje e izoluar! Ai shpaloset gjatë shumë viteve. Prindërit që mund të qëndrojnë civil, të shmangin keqkuptimet dhe fajësimin e njëri-tjetrit, të punojnë së bashku për të krijuar strategji të unifikuara të prindërimit dhe t’u japin fëmijëve kohë të qëndrueshme, vëmendje dhe siguri kanë një shans shumë të mirë për të parë fëmijët e tyre të rriten të lumtur dhe të shëndetshëm.

Në fund të fundit: prindërit e pakënaqur nuk tentojnë të rrisin fëmijë të lumtur.

Marrëdhëniet jo të shëndosha që “qëndrojnë së bashku për fëmijët” kur martesa është destruktive kanë tendencë të prodhojnë fëmijë që kanë marrëdhënie të sëmura si të rritur.