Paralajmërimi për zëvendësimin e taksës prej 100 për qind ndaj mallrave me origjinë serbe dhe boshnjake, me reprocitet nga Qeveria Kurti, ka nxitur reagim nga moderatorit të një emisioni për shqiptarët në diasporë Krashnik Ibrahimi.

Ibrahimi, i cili thotë t’ia kenë vrarë babain forcat serbe, mohon se do të konsumoj produkte nga Serbia.

“Sa të jetë jeta unë nuk do harroj se kush me ka lënë Jetim… Kush e ka lënë nënën time me 6 jetima! E ju sa herë gjindeni përpara këtyrne produkteve veç mendoni se sa vëllezër e motra te juaj sot janë poshtë 7 dërrasave të varrit”, ka shkruar ai, sipër disa produkteve ku shihet flamuri i shtetit serb, si origjinë e tyre.

Tarifa doganore ndaj mallrave serbe është vendosur për më tepër se një vit nga qeveria Haradinaj. Kryeministri i ri Albin Kuri, ka bërë të ditur se kjo masë doganore do të zëvendësohet me reciprocitet.