Majlinda Kelmendi prej sot u bë me shtatore. Kampiones Olimpike sot iu inaugurua shtatorja në qytetin e saj të lindjes, Pejë.

I gjithë financimi për shtatoren ishte bërë nga Federata Ndërkombëtare e Xhudos (IJF).

Madje, presidenti i saj, Marius Vizer, mik i Kosovës, ishte i pranishëm në inaugurim.

Sipas gazetës amerikane “New York Times”, shtatorja e Majlindës ka kushtuar 200 mijë Euro.

Majlinda është sportistja e vetme në Kosovë që i është ndërtuar një shtatore e tillë.

Shtatorja ishte paraparë të vendoset në Prishtinë, por kryetari i kësaj komune, Shpend Ahmeti, nuk gjeti hapësirë për ta “pasuruar” kryeqytetin me një shtatore të tillë.