Një numër jashtëzakonisht i madh i njerëzve janë infektuar e rreth tre mijë të tjera kanë ndërruar jetë si pasojë e COVID-19, i njohur si coronavirus.
Virusi është përhapur në Kinë, mirëpo po përhapet edhe në vendet tjera, e ka mbërritur edhe në Evropë, shkruan “Kosovarja”.
Panikë është krijuar edhe në Kosovë, teksa disa raste kanë qenë të dyshuara mirëpo fatmirësisht kanë reflektuar negativ.
E në rast se paraqiten raste, qeveria ka ndarë 400 mijë euro për ministrinë e Shëndetësisë.
Njerëzit kanë filluar të përdorin masa mbrojtëse, teksa panikë është krijuar edhe tek artistët tanë.
Kjo për shkak se atyre iu duhet të udhëtojnë jashtë vendit për koncerte e ahengje të ndryshme.
Këngëtari Milot Llalloshi ka ndarë një video nga aeroporti, teksa shihet motra e tij, këngëtarja shumë e dashur Edona Llalloshi e cila ka vënë maskën.
Ajo qysh tani ka filluar të mbrohet, pasi dihet se virusi mund të përhapet shpejt./Kosovarja/