Kryeministri i Kosovës, Ramush Haradinaj ka reaguar pas aksionit të sotëm në veri.

Kryeministri i Kosovës, Ramush Haradinaj menjëherë pas aksionit të Njësisë Speciale në veri të Kosovës ku mbetën të arrestuar disa qytetarë e policë ka thënë se gjithë ky aksion është bërë me urdhër të prokurorit.

Haradinaj ka shkruar se në gjithë Kosovën aktualisht është duke ndodhur një operacion policorë, i drejtuar ndaj individëve të përfshirë në kontrabandë, krim të organizuar dhe vepra të tjera kriminale.

Shkrimi i plotë i Haradinaj:

Me urdhër të Prokurorit, në gjithë Kosovën aktualisht është duke ndodhur një operacion policorë, i drejtuar ndaj individëve të përfshirë në kontrabandë, krim të organizuar dhe vepra të tjera kriminale.
Disa prej personave të përfshirë në këto vepra janë zyrtarë doganorë, policë por edhe qytetarë të rëndomtë. Operacioni u zhvillua me sukses edhe në Komunat Veriore të Kosovës. Si Kryeministër i vendit, konfirmoj se bëhet fjalë për zbatimin të ligjit dhe asgjë tjetër. Ftoj serbët e veriut ta ruajnë qetësinë dhe ta respektojnë ligjin!”.