Është gjetur edhe një qytetar nën rrënojat e Hotelit “Tropikal”, i cili besohet të jetë njëri nga dy vëllezërit Abazi nga Livoçi i Gjilanit.
Ekipet e shpëtimit kanë lokalizuar vendndodhjen e tij, ndërsa janë duke punuar për tërheqjen e trupit të tij nga rrënojat, por nuk dihet nëse është gjallë, apo ka humbur jetën.
Deri më tash mësohet se janë 22 viktima dhe mbi 600 të lënduar nga tërmeti i sotëm.
Ekipet e kërkim shpëtimit nga shumë shtete po vijojnë misionin e tyre për të nxjerrë nga gërmadhat edhe persona të tjerë.