Festimin e 20 vjetorit të çlirimit, banorët e fshatit Çabër në veri të Kosovës e kanë parë vetëm përmes televizionit.

Të gjendur mes fshatrave serbe, e të harruar nga shteti, banorët e Çabrës së Zubin Potokut nuk panë arsye të festojnë.

Ndonëse nuk festuan, ata emocionalisht e përjetuan gëzimin e 20 viteve nga çlirimi.

E para dy muajve në këtë fshat të banuar tërësisht me shqiptarë pati edhe incidente.

Aty kontrabandistët u përleshën me Policinë e Kosovës, ndërkaq që këtyre të fundit u dolën në ndihmë edhe banorët e fshatit.

Fshati shqiptar i veriut gjatë luftës Kosovës i dha edhe dëshmorë të cilët luftuan për çlirimin e vendit.