Infeksionet vaginale janë një nga problematika shëndetësore më e zakonshme, që prekin pothuaj të gjitha vajzat dhe gratë, ndër infeksionet më të rrezikshme përmendim infeksionin vaginal Maja që shkaktohet nga kërpudha bakteriale Candida.

Një infeksion i traktit urinar ndodh kur bakteret arrijnë të hyjnë këtë trakt e të shumohen, aq sa gjendja të degradojë në një infeksion.

Mirëpo keni menduar se jeni vetë ju, më saktë veprime dhe zakone tuaja të përditshme që çojnë në shfaqjen e tyre?

Pantollat e ngushta
Edhe pse pantallonat e ngushta ju nxjerrin në pah format, mbajtja e tyre veshur për një kohë të gjatë është një ndër gabimet e përditshme, që çon në shfaqjen e infeksioneve vaginale. Ato bllokojnë qarkullimin e gjakut në këtë zonë, nuk lejojnë ajrosjen e trupit dhe si rrjedhojë kthehen në një vend të mundshëm ku mund të shumohen bakteret. Kjo është arsyeja që gjinekologët këshillojnë që të ndërroni veshjet pas aktivitetit fizik dhe të zgjidhni të brendshme pambuku.

Full length of beautiful young woman in casual wear keeping arms crossed and looking away while standing against grey background

Shamponi intim
Tashmë mund ta gjeni në çdo dyqan apo farmaci, madje shpeshherë gama e tyre është aq e gjerë saqë nuk dini ç’të zgjidhni, mirëpo a duhet përdorur larësi intim? Pavarësisht përmbajtjes së tij, bimore ose jo, ky produkt është shumë i panevojshëm pasi zhbalancon florën bakteriale dhe mund të shkaktojë infeksione vaginale. Vagina është organ vetëpastrues, ndaj mos harxhoni para duke blerë produkte të tilla.

Pishinat
Jemi shumë pranë verës dhe me ngrohjen e motit, fillon edhe sezoni i plazhit dhe pishinave. Këto të fundit mund të kthehen në burim rreziku jo vetëm për infeksionet e lëkurës, por edhe ato vaginale. Produktet që përdoren për mirëmbajtjen e tyre, dmth për filtrimin e ujit, mund të ndryshojnë pehashin e zonës suaj intime. Prandaj kaloni sa më pak ujë në pishinë.

Antibiotikët
Marrja e antibiotikëve është një ndër faktorët kryesorë që çojnë në shfaqjen e infeksioneve vaginale. Këto medikamente ‘’eliminojnë’’ mikroorganizmat ushqyes që i nevojiten trupit, duke zhbalancuar pehashin vaginal dhe krijuar vatra infeksioni. Për këtë arsye këshillohet që gjatë kohës që trajtoheni, t’i shoqëroni antibiotikët me integratorë anti-mykotikë.

MUND TË JU PËLQEJNË