Baby G ka qenë në vëmendje të mediave ditët e fundit pasi u përfol se ajo dhe i dashuri i saj Lum Hoti i kishin dhënë fund marrëdhënies. Çifti nuk e ndiqnin më njëri tjetrin në rrjetet sociale dhe Baby G i kishte fshirë të gjitha fotot nga Instagrami.

Ditën e sotme, në media qarkulloi një video ku Lim Hoti shfaqej duke u puthur me një femër tjetër teksa të dy ndodheshin në një club.

Pas kësaj videoje ka reaguar edhe këngëtarja nëpërmjet një postimi në InstaStory. Në të shihej një burrë teksa bënte një fjalim frymëzues.

“Kurrë nuk doja që njerëzit të ndiheshin keq për mua dhe pasi kalova nëpër kohë të vështira gjithmonë i ktheva humbjet në leksione. Shumë njerëz që mendova se kurrë nuk do të më linin dhe do më mbronin gjithmonë u larguan kur gjërat u vështirësuan”, shkruhej ndër të tjera në postimin e publikuar nga këngëtarja.