Një vakt që na kthen në fëmijëri. Qoftet me patate janë poaq të shijshme, sa ishin dikur.

Patatet e grira në rende lajini në ujë të ftohtë, thajini mirë e kullojuni lëngun e tepërt.

Vendosini në një enë të thellë, shtoni vezën, miellin, qepën e grirë në rende, kripën e piperin.

Bashkojini mirë derisa të fitoni një masë homogjene.

Vajin ngroheni në temperaturë mesatare. Pastaj duke mbushur 1/3 e filxhanit, merrni nga brumi i fituar dhe hidheni atë në vajin e nxehtë. Më pastaj qoften shtypeni lehtas me lopatë kuzhine duke e rrafshuar në trashësinë dhe formën e dëshiruar.

Qoftet skuqini në të dyja anët derisa të marrin një ngjyrë të bukur. Pastaj lërini të pushojnë në letër kuzhine.

Sipas dëshirës, para servimit spërkatini me pak magdanoz dhe shtalpë.

4 filxhanë patate të grira në rende

1 vezë

3 lugë gjelle miell

1 lugë qepë

1 lugëz kripë

¼ lugëz piper

vaj per skuqje

magdanoz

ajkë të thartë/shtalpë