Komandanti i përgjithshëm i FSK-së, Rrahman Rama, ka qenë sot i ftuar në Emisionin Frontal në T7 ku ka folur për mobilizimin e ushtrisë në rast se kërkohet nevoja për tu përballur me koronavirusin.

Ai ka thënë se Ushtria e Kosovës është e gatshme të përballojë një situatë të jashtëzakonshme nëse ajo shpallet nga ana e Presidentit të Kosovës.

Gjatë bisedës, Rama ka treguar se asnjë ushtar i FSK-së nuk është prekur nga virusi Covid 19 por megjithatë tha se njëri prej tyre është në karantinë.

“Nuk kemi asnjë rast deri tash tek pjestarët tanë. Dua ta njoftoj opinionin publik se rasti i fundit në Podujevë, vëllau i atij të infektuarit është pjestarë i FSK-së. Është në karantinë në shtëpinë e tij. Nuk ka një sinjal ose naj nevojë për tretman të vecantë jem në kontakt por ai nuk ka ndonjë shqetësim nga ai dhe shpresojmë të mos ket”, ka thënë Rama.

MUND TË JU PËLQEJNË