Naser Rafuna është ndër aktorët dhe komedianët më të dashur për publikun shqiptarë, shkruan “Kosovarja”.
Rolet e tij në secilin projekt që ka marrë pjesë mbahen mend e pëlqehen tej mase nga njerëzit.
Ai ka luajtur në disa seriale televizive, përfshirë “3 gjermant e trashë”, “Kafeneja Jonë”, e së fundi në serialin vendor “Çka ka shpija”.
Kurse roli i ‘Xhek Setrës’ në serialin “Çka ka shpija” është ai me të cilin po bën bujë, duke thyer rekordet e shikueshmërisë.
Derisa në serial është i martuar me Rabijen, dhe bën një jetë sa qesharake aq interesante, në jetën reale është krejt person tjetër.
Ai gëzon një jetë të lumtur familjare me bashkëshorten dhe djalin e tij.
E sot i vetmi i tyre Jari feston ditëlindjen e tretë. Urimi i Naserit për të birin vjen me fjalët më të mira.
Ai thotë se dita më e lumtur e jetës së tij është viti kur ka lindur ai.
“Sot 3 vjet ishte dita me e lumtura e jetes time..”, ka shkruar aktori në Instagram bashkë me një foto të djalit të tij./Kosovarja/