Ekipi i stafit të Ankthit në Mbretërinë e Bashkuar, (shumë prej të cilëve kanë përvojën e tyre personale të ankthit) sugjerojnë disa këshilla që ju vijnë ndihmë qytetarëve, sesi të kujdesen për veten kundër ankthit, duke qenë se vetë-izolimi i është sugjeruar kujtdo gjatë kësaj periudhe, si masë parandaluese kundër COVID-19.

Sipas tyre këshillohet të shkarkoni disa regjistrime që keni menduar të dëgjoni (informacion, muzikë, këshilla, etj); Shikoni në Netflix ose në filmoteka të tjera që keni në dispozicion; Të merreni me gjëra të tilla si arte dhe vepra artizanale, thurje, video-lojëra; Provoni meditimin ose teknikat e tjera të relaksimit, veçanërisht për ata që nuk e kanë provuar kurrë (informacionin rreth këtyre teknikave mund ta gjeni edhe në internet); Mësoni një hobi të ri; Edukimi (përmes lidhjeve në internet); Kontaktoni me miqtë në Skype ose Facetime; Gatim ose zgarë; Ushtrime fizike në kushte shtëpie; Shkrimi; Leximi; Bëjini vetë aktivitetet (lyerje, pastrim, dekorim, etj.); Kopshtari.

Të gjitha idetë e shkëlqyera për të të mbajtur aktiv dhe të zënë mund të jenë të dobishme.

Gjithashtu sugjerojnë edhe këshillat e paketës (e quajtur APPLE), lidhur me mendimet negative që përjetoni herë pas here gjatë kësaj periudhe, si më poshtë:

Pranoni – Vini re, vetëdijësohuni dhe pranoni pasigurinë qw ju vjen në mendje.

Pauzë – Mos reagoni siç bëni zakonisht. Mos reagoni fare. Vetëm pauzë dhe frymëmarrje.

Tërhiquni – Thuajini vetes se ky është vetëm shqetësim dhe kjo nevojë e dukshme për siguri nuk është e dobishme dhe e nevojshme. Është vetëm një mendim ose ndjenjë. Mos besoni gjithçka që mendoni. Mendimet nuk janë deklarata apo fakte.

Lëreni – Lëreni mendimin ose ndjenjën. Do të kalojë. Ju nuk duhet t’i përgjigjeni atyre. Ju mund t’i imagjinoni ato duke fluturuar si një flluskë apo si re që largohet.

Eksploroni – Eksploroni momentin e tanishëm, sepse tani, në këtë moment, gjithçka është mirë. Vini re frymëmarrjen tuaj dhe ndjesitë e frymëmarrjes tuaj. Vini re tokën poshtë jush. Shikoni përreth dhe vini re atë që shihni, çfarë dëgjoni, çfarë mund të prekni, çfarë mund të nuhatni, tani për tani. Pastaj zhvendosni përqendrimin e vëmendjes në diçka tjetër – në atë që duhet të bëni, në atë që keni bërë përpara se të vini re shqetësimin, ose bëni diçka tjetër – duke përqendruar vëmendjen plotësisht.

Tendenca për të kontrolluar gjithçka nga frika e humbjes së kontrollit, bën që shpesh herë të qëndroni me orë të tërë duke ndjekur burime të ndryshme informimi (ku jo gjithmonë informacioni i dhënë është shkencor dhe i qartë), kjo bën që të shtohet ankthi, ndaj duhet kufizuar koha për informim dhe duhen përzgjedhur burimet e informacionit.

Mbajtja e mirëqenies mendore është po aq e rëndësishme, sa edhe mirëmbajtja e mirëqenies fizike.