I ftohti i këtij shkurti po ia vështirëson edhe më shumë jetën, familjes Rexhepi.

Në një shtëpi të fshehur në periferi të Prishtinës, kjo familje jeton në kushte të vështira ndërsa rrezikojnë jetën nga shembja e saj.

Ngrohtë po i mbanë një shporet i vjetër, për të cilën ndonjëherë nuk kanë as drunj të mjaftueshëm.

Florie Rexhepi së bashku me burrin dhe pesë fëmijët e saj, mezi ia dalin të mbijetojnë. Floria thotë se më së shumti kanë nevojë për një shtëpi, të cilën e kanë të pamundur ta ndërtojnë pasi vetëm burri i saj punon.

Floria ka edhe probleme shëndetësore, ndërsa thotë se vështirë arrinë t’i sigurojë barnat.

Fëmijët të cilët janë në shkollë, kanë kërkesa të cilat asnjëherë nuk mund të iu plotësohen.

Ujë në këtë shtëpi ka vetëm në banjo, ndërsa deri tek kuzhina e improvizuar Floria duhet të bartë (ujin) me kovë.

Përkundër se shtëpia e vjetër nuk i plotëson kushtet për jetesë, deri më sot kësaj familje askush nuk iu ka ofruar ndihmë financiare.

Duke u ballafaquar me jetën e vështirë, Floria lutet dikush t’i ndihmojë që një ditë fëmijët e saj ta gëzojnë një shtëpi.

Nëse keni mundësi të ndihmoni financiarisht kontaktoni në këta numra: + 383 49 131 131 / +383 44 462 978

https://www.facebook.com/lajminet/videos/192596548517806/

MUND TË JU PËLQEJNË