Ditëlindjet për shumëkë konsiderohen tejet të rëndësishme. Një vit më shumë, do të thotë më tepër eksperiencë, reflektim, ndoshta edhe ngritje, afirmim…
Vitet që rrjedhin, bëjnë që miqt e shokët ta njohin edhe më mirë njëri-tjetrin, të afrohen, të çmohen.
Këngëtari i madh e shkrimtari tashmë shumë i lexuar, Ilir Shaqiri, për ditëlindjen e mikut të tij të çmuar, kompozitorit Xhevdet Gashi, e ka shprehur konsideraten me këta rreshta:
10 cilësi thelbësore që dalin nga emri dhe mbiemri i një artisti, i cili sot ka ditëlindjen.
Urime, mjeshtër!
Xhenxhefil në hojet e mushkërive muzikore
Empirist i heshtjeve që nënkuptohen
Vator i këngëve që krijohen në dimër
Det që nuk i duket stuhia
Elitar që i mungon veta e parë (unë)
Timbër i stralltë me dorën plumb
Gardian i së bukurës pa stoli
Autokrat i perceptimeve që ia përthekojnë krahët dhe mendja
Shembull i shekullarizuar herët nga të parëndësishmet
Idilik i një jete me gjëra të domosdoshme…