Në Gjermani, sëmundja e koronavirusit është shumë më pak e përhapur krahasuar me Italinë, e megjithatë frika te qytetarët është e madhe.

Njerëzit janë të shqetësuar, sidomos pas deklaratës së bërë nga kancelaria Angela Merkel se mbi 60% e popullsisë do të infektohet në ditët në vazhdim. Kjo do të thotë se numri i të infektuarve do të jetë gati 58 milionë persona.

Ditën e sotme, gjermanët mësynë në supermarkete dhe aty bënë blerje të shumta, nga frika se në vend do të mbaroheshin rezervat ushqimore.

Fotografitë e mëposhtme janë bërë në qytetin e Würzburg-ut afër Frankfurtit nga gazetari Gentian Bellaj.

Në Gjermani janë infektuar 3675 persona nga koronavirusi dhe kanë humbur jetën 8 persona të tjerë.