Në javët e para pas lindjes, mbase marrëdhënia intime është ndoshta gjëja më e largët në mendjen e një nëne. Ju mund jeni të rraskapitura dhe trupi juaj ende nuk është rikthyer në formën e tij optimale.

Se sa kohë një nënë pret apo duhet të presë para se të ketë marrëdhënie intime përsëri është plotësisht personale. Por në kundërshtim me klishetë e vjetra, të qënit prind nuk do të thotë se intimiteti është plotësisht i ndaluar.

Sa shpesh bëjnë nënat e reja marrëdhënie intime pas lindjes së fëmijës?

Në fakt, një studim i ri zbuloi se gati 73% e nënave të reja e shijojnë intimitetin pas lindjes dhe pothuajse një e katërta e grave të anketuara thonë se cilësia e marrëdhënies të tyre pas lindjes është më e mirë. Anketa e 1,000 grave, të moshave 22-37 vjeç, zbuloi se lodhja është arsyeja numër një përse nënat e reja nuk bëjnë shumë marrëdhënie dhe se 61% e tyre dëshirojnë të kenë më shumë marrëdhënie intime.

Një e katërta e nënave të anketuara bëjnë akt intim një herë në javë dhe gati 30% e tyre, 2-3 herë në javë. Gati 9% e tyre kryejnë marrëdhënie më shumë se tri herë në javë.

Për disa, tri herë në javë tingëllon perfekte. Për të tjerat, kjo mund të tingëllojë si shumë. Sondazhi gjithashtu zbuloi se 12.8% e nënave bëjnë marrëdhënie një herë në muaj, dhe 13.3% edhe më rrallë, dhe kjo është krejtësisht në rregull.

Frekuenca e jetës intime të nënës së re varet nga kaq shumë faktorë. Pra, mos u ndjeni keq nëse nuk kryeni marrëdhënie intime aq shpesh sa gratë e anketuara. Për disa nëna, nevojitet më shumë kohë për t’u ndjerë përsëri gati për marrëdhënie intim dhe disa janë më të etura që të përjetojnë përsëri intimitetin.

Më shumë se 61% e nënave të anketuara thanë se ishin të frikësuara ose nervoze pas lindjes së tyre të parë. Rreth 72% e këtyre nënave sqaruan se kishin frikë nga dhimbja. Hulumtimet sugjerojnë se rreth 17-36% nëna raportojnë se përjetojnë dhimbje gjatë marrëdhënies deri në 6 muaj pas lindjes.

Ka tri arsye të përbashkëta për dhimbjet gjatë marrëdhënies pas lindjes:

1.Nivelet e ulëta të estrogjenit në vaginë;

2.Problemet me ndonjë plagë;

3.Spazma e muskujve për shkak të një shtrëngimi pas shtrirjes së legenit.