Shumë nga ne shpesh pyesim se si funksionon algoritmi i Facebookut, apo se pse na është shfaqur një postim i caktuar në “News Feed” (muri në profil) para një postimi tjetër.
Epo, tani Facebooku po e shton një veçori të re që do t’ju tregojë pikërisht PSE po ju shfaqet secili postim në profilin tuaj, transmeton Koha.net.
Në secilin postim, në ‘drop-down’ menu do të keni opsionin “Why am I seeing this?” (“Pse po e shoh këtë”), ku Facebooku ju tregon saktësisht se përse një postim i caktuar është shfaqur tek ju.
Kjo veçori ka filluar të lansohet gradualisht nga kjo javë, kurse përfundimisht do të jetë në dispozicion në gjithë botën nga muaji maj.